عندما تتعملق الأقزام ويستاسد النعام

[poem=font="times new roman,6,red,normal,normal" bkcolor="transparent" bkimage="" border="none,4," type=1 line=1 align=center use=ex num="0,black""]

يازمن فيه حصـة تحلـم انهـا الخـلاوي = فاخـرسـي يــا أســـود وازأري يـانـعـام
وليمـوت الكريـم الحـر بالجـوع طـاوي = وليعيـش البغـاث المتخـم مــن الطـعـام
يـازمـن دام ذا جـدولـك للقـبـح حـــاوي = لا أبـــا لـــك ويـادنـيـا عـلـيـك الـســلام
وخـل ريميـة تركـض ورى كـل غــاوي = لبـسـوهـا البـطـولـة شـاربـيـن الـمــدام
في نيويـورك فـي لنـدن ومـرت مـلاوي = فـي فرنسـا وفـي برليـن نـفـس الـكـلام
مـجـدوهـا وسـمـوهـا عـــدو الـفـتـاوي = في محطات سي إن إن لـدى العـم سـام
مثلهـا مـن يربيـهـا شـريـط الحـسـاوي = كيـف تجـرؤ تكـلـم فــي حــلال وحــرام
ومثلـهـا كـيـف يتـطـرق لـعـد رهـــاوي = فـاض علمـه علـى جـالـه لــورد حـيـام
ذا مـصْــدر وذا وارد يـــروم الـغـنـاوي = مـن درر شيخنـا البـراك سامـي المقـام
حصة هلال مثلش من حشوش البلاوي = مــا تـكـدر صـفـا وانــوار بــدر التـمـام
غرش الحشد والأضواء وكثر الحكاوي = وطار عقلـش مـع العجـة يريـد الوسـام
والحقيقـة تقـول إنـش غديتـي شـلاوي = تحـت خـف البعيـر ومـا بلغتـي السنـام
ولو سمعتـي كـلام الحـر هـاك النـداوي = راعـي الأمـن لـول نـايـف ابــن الـكـرام
مـا وقعتـي ضحيـة حفنـة مــا تـسـاوي = نـعــل تـاطــاه رجـلــه لاتـسـيـر وقــــام
وكان وجهتي الهجمة علـى كـل خـاوي = يحـمـل افـكـار هـدامـه ويـرمـي سـهــام
غايتـه ينسـف القلعـة ولا هــو بـقـاوي = يعرف ان دونهـا يـا بنـت كـف وحسـام
كفـهـا النـايـب الثـانـي بعـيـد الهـقـاوي = والحسـام الرعيـة كــم صمـيـدع هـمـام
لادعانـا الوطـن فنشـوش لجلـه فـداوي = واسألي عـن جنـوب الحـد يـوم الزحـام
عن عقيـدة ومبـداء واسألـي كـل راوي = يحفـظ الصـدق مـن تـاريـخ ذاك الإمــام[/poem]